მსახიობი, ველ კილმერი 65 წლის ასაკში გარდაიცვალა. „დორზის“, „ბეტმენისა“ და „საუკეთესო მსროლელის“ ვარსკვლავს 2014 წელს ყელის კიბოს დიაგნოზი დაუსვეს. ავადმყოფობას მსახიობი მრავალი წლის განმავლობაში ებრძოდა.
რამდენიმე საათის წინ კილმერის ქალიშვილმა განაცხადა, რომ მისი მამა ლოს-ანჯელესში, პნევმონიით გარდაიცვალა.
ცნობისთვის, ველ კილმერი 1959 წლის 31 დეკემბერს დაიბადა. 1981 წელს დაიწყო თეატრში მოღვაწეობა. პირველად კი 1984 წელს ფილმში, Top Secret! გამოჩნდა.
